伍富桥搞派对庆祝做老闆两年 即场贺老婆29岁生日重演结缘一幕 | 香港01
现年29岁的“亿万驸马”伍富桥上年与富贵老婆梁兆楹（Shirley）结婚至今已经将近一年半时间，两夫妻越来越恩爱！伍富桥在两年前已经开始发展自己的副业开辨健身房，他（14日）现身健身房两周年派对兼精心炮制惊喜在现场贺老婆29岁生日，更为对方送上一支酒及一束鲜花。
伍富桥接受《香港01》访问表示：“今日係两周年，生意都OK，都算稳定，嚟紧希望可以继续努力到时再开间分店啦！（赚咗几多？）我都要计一计先知，不过生意真係都唔错，希望大家都可以继续支持。健身房有注册的物理治疗师或七个健身教练授教学员。（今晚派对准备什麽惊喜？）特别感谢宾客嚟到，已经准备好价值超过五万元嘅礼物畀各位。”
提到精心炮制生日惊喜送给老婆，更一度即场献吻，他说：“其实我自己都有啲感触，因为眨吓眼都已经两年，同埋啱啱有一个举动，有支酒同埋有束花，係有少少故事，当年第一年啱啱开店嗰日係我太太嘅生日。我同佢其实啱啱撞返大家冇耐，唔算係好熟，就神推鬼拥走去买咗支花，大家当时係冇嘢嘅係好朋友，但係我就送花同送走，衝咗上去帮佢庆祝生日，呢件事第二日佢就问返我点解要送花畀我，同埋送酒畀我。其实都要多谢番其中一个介绍我太太让我认识嘅人，都係佢比嘅意见这样做，所以啱啱就重演啱啱环节等佢感受一吓。”
被问到拍档邝洁楹（Judy)为什麽没有现身，他则表示：“Judy今天要开剧，所以未能出席！”
讲到未来会希望继续拍剧或发展歌唱事业，他表示：“剧最近少啲，但我唔抗拒如果有好角色。歌方面嚟紧出年都会有作品，今年都有出咗歌曲都几多人锺意隻歌，之后会落手落脚认真少少制作cover（想开演唱会？）演唱会就唔敢啦！因为惊没人听，不过网上音乐会就可以，做歌手当然希望嚟紧会有属于自己嘅音乐会，但不抱太大期待囉！一嚟Keep住自己嘅歌唱事业啦！希望嚟紧有更加多嘅表演机会！”
