“大小锺嘉欣”首度同框 锺柔美获本尊大赞：有星味
《万千星辉颁奖礼2021》昨晚（2日）完满结束，除咗赛果备受热议外，原来昨晚红地毡上亦出现咗一个小彩蛋，就系一直有“翻版钟嘉欣”之称嘅《声梦传奇》人气王锺柔美（Yumi），终于同本尊“真‧锺嘉欣”同框合照兼受访，令粉丝们直呼惊喜。见2人拍埋一齐时，五官及气质都相当神似，锺嘉欣都直认觉得相似，认为对方有自己少许影子，更大爆原来一直都有留意Yumi：“其实《声梦》一班新人个个都好优秀，同埋佢哋有首儿歌叫《Hands Up》，我想啲仔女学广东话，就日日畀佢哋听，不断洗脑！我好锺意Yumi佢好有自然嘅星味，佢好享受表演，佢好有潜质，前途无可限量！”
