否认爱女任晴佳拍拖 任达华“禁恋令”继续生效
艺人任达华与温碧霞（Irene）今晚（3日）齐齐现身活动，在内地逗留了8个月之久的任达华透露刚返港数天，特意回来跟家人过元旦及农历新年。
任达华的爱女任晴佳最近被拍到与一名少年登上同一座驾，他解释他们并非拍拖，只是正常朋友交往，当时有几名同学一起买礼物，只是2人刚好同车：“佢哋由细玩到大，我都识个男仔。（你系咪呷醋爸爸？ ）我唔系，我好Open，但要读书先，依家系读书时间。（读完大学先可以拍拖？）系，囡囡有分寸，我唔担心。（囡囡拍拖会问你？ ）我个女乜都会同我分享。（囡囡多人追？）我唔知，佢锺意读书多啲。”
Irene笑言不可以对小朋友太严，否则会更反叛：“畀小朋友自由好啲，当然都要教，我唔担心我个仔，佢好聪明而且好Outgoing（外向），有好多朋友。”Irene讲起年轻人，她指香港及内地也有很多新进艺人，她更特别点名姜涛：“我好欣赏佢，觉得佢唱歌好听，好有潜质，佢好Sweet，个性格好得人锺意，希望可以同佢合作。”
至于任达华就点名同场的炎明熹（Gigi），他赞对方不止唱歌好听，并看出Gigi有演戏天分：“佢内心有个爆炸力，好独特，希望畀多啲机会佢拍戏，佢行出嚟好有气势，年轻又有活力，我当然想同佢合作。”其后他更跟Gigi及姚焯菲（Chantel）一齐合照。另外Irene表示之前在内地工作了5个月，特意返港跟家人过农历年。
