许俊豪拍掌掴戏 打到谷娅溦头晕兼耳鸣
歌手出身的许俊豪（Lincoln）于TVB剧集《爱上我的衰神》中有突破性演出，他表示很开心可以饰演“窦哲人”这个角色：“个角色系有一个成长故事，由突破师生禁忌到佢为艺术嘅欲望而失控。其实佢有全心全意去付出感情，只不过用错喺唔啱嘅地方，令到一切都无法挽回，所以对我嚟讲，呢个角色好有血有肉，佢嘅情感失控亦系佢吸引嘅地方。”
虽然Lincoln的戏份不算多，但角色甚有发挥，亦有不少难忘场口：“其中一场系我同陈嘉慧，讲佢想杀咗我嘅戏，嗰场戏大家太投入，我感觉到成个空间系得番我哋两个，大家一直望住对方喊。至于另外一场系同谷娅溦拍，我要打佢一巴，但拍咗3、4个镜头都拍唔好，佢畀我打到见头晕仲有耳鸣情况，我以前未试过拍掌掴对手嘅戏，所以打完之后都系咁向佢道歉 。”
Lincoln坦言由于角色性格跟他本人反差很大，所以事前要作很多准备，除了要不停去回忆以前发生过的悲痛事，加上剧中有一场除衫戏，他为此在开拍前一个月努力操弗身形：“本来定咗拍摄日子 ，拍摄当日我满心欢喜终于可以解禁，但系导演话要延迟到后日先拍，所以嗰段时间系靠意志同毅力去支撑住我。”
