唱歌冧女神唔过电 余德丞与黎纪君合唱网民激赞
艺人余德丞（Dickson）之前喺节目《真．女神转身》，虽然向黎纪君（Christy）唱冧歌，但可惜对方唔“受沟”，不过都冇阻两人镜头后真正嘅友谊，节目后两人仲嚟个“下集”，就系锺意唱歌嘅佢哋齐齐拍片合唱！
佢哋相约齐齐唱cover，首先Dickson开金口献唱《未开始已经结束》，之后两人再合唱《我不是邱比特》，两人十分合拍，网民大赞相衬，而且好好听！
事后Dickson表示一直都好锺意广东歌：“中学开始我已经成日去唱K，之前都上过《流行经典50年》唱《单车》，不过我就冇试过上堂学唱歌。（有冇兴趣做歌手？）我谂做歌手就比较难啦，但有机会都可以唱多啲cover！”
