姚焯菲系自己杯茶？吴业坤行外父政策冧姚爸爸
歌手吴业坤和姚焯菲（Chantel）今日（5日）出席《香港金曲颁奖典礼 2021/2022》记者会，坤坤笑言之前讲过要做对方歌迷会会长，但现时做番歌迷就算：“我真系欣赏佢嘅音乐，唔想大家误会我系怪叔叔，之前喺后台见到佢爸爸，我哋都有倾偈。（行外父政策？）唔系！话番畀佢爸爸知，我唔系咁，等佢安心啲。（佢有冇叫你远离佢个女？）绝对冇，仲问我使唔使同Chantel合照。”
问到之后可会否想与Chantel合唱？他表示：“等佢个人音乐发展咗先，佢识得选择先，佢都大把选择。（唔拣你会唔会唔开心？）冇乜所谓，做歌迷已满足。”提到港台和无綫合办颁奖礼，他表示好开心：“好耐冇见过咁多唔同人同唔同咪牌，我都有攞唔同咪牌影相，感觉好似打开咗缺口，希望将来可以去到更多唔同嘅平台唱歌。”
而Chantel表示，开心见到很多来自不同唱片公司的歌手，但直言之前冇睇过《劲歌》总选，她笑言：“我睇卡通片多。（对新人奖有冇信心？）顺其自然。（想同其他公司歌手合作？）暂时想同番《声梦传奇》学员合作先，未系每一个都合作过。”
