万千星辉2021｜曾志伟镜头前被影到瞌眼瞓 亲解释：只係嗰一刹那
TVB《万千星辉颁奖典礼2021》日前经已圆满结束，各个奖项已名花有主。而当晚竞逐视帝视后宝座奖项最瞩目之外，其实镜头前后的花絮亦同样精彩。就好似一众艺人在趁节目卖广告时段，就被镜头捕捉到补妆整理仪容，而身位TVB高层的曾志伟亦不能幸免，被影到在嘉宾席上瞌眼瞓。
事后有网民留言：“曾志伟都冇眼睇个结果”、“个节目有几好睇，睇曾生就知啦”等等。
而志伟日前现身《2022北京冬季奥运会》记者会时，被问到为何在颁奖礼上瞌眼瞓？志伟表现惊讶：“乜我有被人影到咩？喺边个项目呀？人总会眨眼嘅，係咪只係嗰一刹那咋！你问我係咪瞌眼瞓，咁梗係唔係啦！”
