据香港东网报道：艺人#吴若希#（Jinny）喺福建出世，本来佢出身富裕，但因为佢爸爸生意出问题而家道中落，其后父母离异，佢10岁就同妈妈嚟香港生活，同姨姨、公公及婆婆居住喺公屋。佢日前于社交平台上载影片，重游佢嘅成长地方，怀缅一下自己嘅童年生活。
佢喺影片搵嚟小学同学，一齐去细个住嘅荃湾同返去细个读嘅小学，而佢嘅小学同学屋企系开海味店，佢仲试食店内嘅鲍鱼，小学同学指啲元贝话︰“呢啲就系我细细个嘅零食啦！”令到@JinnyNg吳若希 相当羡慕话︰“零食？同真系同我细细个好唔同，我细个拎2蚊去买雪糕都觉得贵！”之后佢哋一齐返去细个读书嘅小学，小学同学爆Jinny细个已经“高人一等”，生得比其他同学高，而做过风纪嘅Jinny，就话嗰阵先啱啱落嚟香港，所以广东话唔正：“将涂改液讲成涂改‘叶’。”仲畀身边呢个小学同学笑添，不过Jinny冇嬲仲觉得有助自己改善广东话：“当你笑完我就知道原来唔系咁讲。”佢哋仲搵埋以前教过佢哋嘅老师一齐影相添！
据香港东网报道：艺人#吴若希#（Jinny）…
