性感唔使出动事业线 黄嘉雯陈伟琪一样Big爆衫
性感唔一定要露事业线嘅！好似前港姐冠军黄嘉雯（Carmaney）同前“细龙太”陈伟琪咁，着上贴身运动装，将曲线表露无遗，营造逼爆衫效果，更加令人想入非非。
黄嘉雯昨日（8日）化身女拳王打沙包，佢将照片放上社交网，斋睇相就唔知佢好唔好打，不过套贴身运动装就真系养眼，中间仲要露出纤腰，一啲赘肉都冇，仲爆埋金句“When life throws you a punch, punch back harder（当生活畀你重重一拳时，你就要重重地反击）”果然系美貌与智慧并重。
另一边厢同样系港姐出身嘅陈伟琪，就出走户外去行山，一样系着上贴身小背心，大晒佢36E上围，沿途影低唔少靓相，见佢去咗位于香港最南端嘅鹤咀，喺“蟹洞”前趷萝Chok pose影相，仲呼吁大家“系时间要行下山”！
