为《衰神》作歌！谷娅溦体验被虐打：真系唔简单
歌手谷娅溦（Vivian）日前为有份主演TVB剧集《爱上我的衰神》的插曲《我要和你在一起》拍摄MV，此曲是她和朋友一起作曲：“今次系自己首次为剧集度身订造歌曲，剧本好有感染力，我睇完之后都畀个故事感动，即刻写咗呢首歌，好开心大家锺意首歌，仲赞好有感染力，歌词又好配合剧中嘅画面，MV依家喺网上平台已经超过10万收看次数，多谢大家！”
今次歌曲比较凄美，MV亦想呈现梦幻唯美的感觉，她说：“导演拍摄时用咗好多投影嘅效果，有星空下嘅我、有捉唔到嘅蝴蝶，最犀利系一个好大嘅自己，而且要配合首歌，今次都要着番女性化啲。”
而讲到首次拍剧的她就要饰演一个被虐打的角色，她说：“睇剧本时有啲担心，自己喺拍剧方面系新人，呢个角色好高难度，好多谢监制大胆畀机会我参与，终于亲身体验过，感受到做演员真系唔简单，但自己又好锺意、好享受。”
