王君韾晒合照得三条Queen 同刘颖镟仲未破冰？
TVB新剧《铁拳英雄》昨日（10日）开播，由文伟鸿监制，视帝陈展鹏、视后唐诗咏、陈山聪、姚子羚、王君馨、刘颖镟等合演，早前就有指因王君馨离巢而喺剧照上“被消失”，亦有传王君馨不满新剧《超能使者》宣传片及海报被忽视，输畀同剧刘颖镟，因而劈炮离巢。
依家剧集开播，虽然王君馨已经唔系无綫艺员，不过佢都有落力宣传，一连几个Post都晒出花絮照同宣传片段等，不过奇就奇在佢晒嘅合照中，就只得佢同唐诗咏、姚子羚，反而喺姚子羚晒出嘅合照中，都仲见到刘颖镟同王君馨排排企翘手合照，咁就即刻令网友联想到二人不和嘅传闻，不过亦有网友话本身王君馨同唐诗咏、姚子羚都系一线女主角，但刘颖镟都只系上位小花，本身卡士都有唔同，可能原本就系只得三人合照呢。
