同何雁诗不设防！郑俊弘戒口计排卵期造人
艺人郑俊弘（Fred）同太太何雁诗喺社交平台上载合唱片段，歌曲由何雁诗亲自作曲填词，仲叫做《Dear Little One》，似乎暗示升呢做父母！
虽然佢哋未回应，但其实Fred不久前受访都曾露口风，坦言想生BB：“我哋都想，但太心急或太想就反而冇，反而心情轻松就会顺利啲。”佢又直言依家系不设防：“尽量啦，睇吓上天可唔可以赐个BB。（目标想几年内？）希望唔好咁耐，我年纪都开始大，想1、2年内，唔想小朋友大个我老得滞同唔到佢玩，我有好多嘢想教佢，太太都成日叫我加油，我都会嘅，哈哈。”
佢又坦言有向朋友取生仔经：“有Keep住身体健康、食嘢健康，男士要做多啲运动，个人精神啲个成品先会好啲，太太就唔好饮太多冻嘢同要戒可乐、唔好食辣嘢，都有用App计时间表。”佢哋为生仔做足功课，睇嚟“造人”成功一事都系似层层！
