黄翠如出关贺陈自瑶拎女配 头贴头借Cake许愿
艺人陈自瑶（YoYo）喺台庆颁奖礼大热夺得“最佳女配角”，估唔到事隔10日，佢寻晚（11日）就晒出获好姊妹、北上返港嘅艺人黄翠如出关贺佢拎奖嘅合照，两人约埋啲Friend一齐出嚟聚吓，仲准备埋Dessert Platter同大蛋糕，两样都写上恭喜YoYo嘅字样，几鬼有心思。而YoYo仲晒出吹蜡烛片，见黄翠如劲开心咁同YoYo头贴头一齐拍片，全程甜思思劲笑嘅佢，去到许愿时仲开口问YoYo可唔可以借一个愿望畀佢，睇得出佢心情靓靓，成功走出心情低落嘅阴霾。
YoYo就留言自勉兼鼓励好友：“许了甚么愿？㊗️你所有的愿望一定成真！🧚♀️爱你”同时又Tag埋另一好友连诗雅，指：“等你回来！🥰”睇嚟佢哋三姊妹聚首之日好快就可以实现。
