吴若希野生捕获陶大宇 网友重点系佢块面？
艺人陶大宇因为“宇宙级”唱腔成网络红人，一首《倒转地球》更加系令佢引爆大石头，升价十倍。估唔到已为人母嘅歌手吴若希（Jinny）寻日（20日）就成功捕获陶大宇，晒出合照：“What a miracle day！💙十年唔出街，一出街食个Tea就撞到大宇哥，好想同佢一齐唱《倒转地球》！”虽然相中嘅陶大宇望落鬼咁醒神，不过网民今次反而就将重点落喺Jinny身上！
因为啲相加晒“味精”，唔少人就嫌张相有啲失真，尤其Jinny个靓样同昔日有啲出入，网民更直问：“点解你唔同咗样嘅？”有人指出相中Jinny拣Filter重手咗，加上妆容同发型问题，令佢五官同平时唔同，苹果肌突出，睇嚟佢下次加Filter都要小心啲喇。
