岑丽香进驻内地社交网 边凑仔边搵奶粉钱！
艺人岑丽香喺上年5月再度做妈咪，诞下细仔“小腰果”，减少幕前演出嘅佢，主力喺屋企凑两个囝囝，仲不时都喺社交网大晒生活点滴，同网友分享凑仔乐趣等！虽然佢依家忙住做家庭主妇，不过依然冇放弃过搵钱机会，佢日前晒咗张床照，宣布正式进驻内地社交平台，留言：“希望以后大家多多指教！我会在这里分享我的生活！希望大家可以多多留意多多关注！爱你们！”
唔少网民都有留言话欢迎佢呀，睇嚟佢呢次有望开拓内地市场，喺网上平台接多啲广告吸金，仲可以一边凑仔一边赚奶粉钱，你都咪话唔正喎！
