黄翠如有喜？唐诗咏请缨帮闺蜜计算边度造人好
艺人唐诗咏、陈山聪、姚子羚、伍允龙等今日（24日）在将军澳电视城为TVB剧集《铁拳英雄》宣传，主角陈展鹏则因身体不适缺席。唐诗咏被网民质疑双眼做过微调，现时眼晴比3年前拍摄剧集时较大，双眼皮较深，但被指眼神以前较有灵气，她则否认说：“多谢，有留意好过冇留意，自己唔介意人哋去微调，总之靓就得。（咁你有冇微调？）人生每个年纪都会有啲变化，自己有啲纹都冇去打针，自己系崇尚自然，如果硬咗就做唔到戏。”
讲到闺蜜黄翠如被传有喜？她笑说：“佢条腰幼过我，系嗰件衫粗身啲啫，之前谂住谷肥佢，变咗肥咗自己。当然冇，有佢会同大家讲，大家唔好畀压力佢，每对夫妻都有佢哋嘅计划。（佢北上咗咁耐都造人唔成功？）可能北上个方位唔啱佢，下次试吓东呀、西呀，我同佢计计先。”她表示最近努力学煮餸，打算新年亲自下厨煮给家人吃，但也会买外卖，支持受疫情影响的饮食业。
