当胡鸿钧冇到！蔡思贝余德丞“情侣”关系浮面
艺人蔡思贝、余德丞曾被指是“一对”，2018年余德丞因踢波昏迷一度要入ICU，当时思贝亦有到医院探望，不过二人多次大方表示只是朋友关系，思贝亦曾强调私下从冇与余德丞单独约会，更向德丞大派柠檬谓：“我外形系佢锺意嘅类型，但灵魂佢唔锺意，我哋唔系情侣嗰种。”
现时思贝与胡鸿钧的情侣关系逐渐浮面，思贝跟德丞亦毫不避忌单独约会，思贝今日于社交平台上载多张照片，原来是她跟余德丞“撑枱脚”时拍下的，而有多张思贝的单人相，都是如“男友视觉”般拍出来，德丞终于一尝“男友”心愿吧！
二人今次约欢聚，思贝接受东网访问时谓：“因为之前一路要开工，所以都好耐冇见，今次我哋都系即兴约出嚟，话说咁啱依家J2重播紧《缅甸奇幻旅程》，我哋就传短讯畀大家，话嗰阵真系好青春、好怀念，而约出嚟嗰日正系我农历生日，所以咪顺道庆祝埋啰！”问到思贝有否捧余德丞《青春不要脸》，思贝说：“有呀！我睇晒咁多集，佢个题材好吸引，讲训练班追梦，剧入面服饰、气氛好怀旧，我自己都系老土怪，好锺意睇呢啲。”
