北上交流晒J图　张振朗寂寞难耐搵…

北上交流晒J图　张振朗寂寞难耐搵曱甴陪

TVB小生张振朗为台庆剧《拳王》谷尽操肌，早前佢就晒过一次黑白肌图，点知近日佢北上参加综艺要去酒店先隔离，佢见闷闷哋就晒出多张未曝光过嘅新“J图”，真系睇到网友流晒口水。原来都以为佢真系咁闷冇嘢做，点知个天真系待佢不薄，竟然搵咗个朋友仔陪佢，话说佢寻日（27日）就晒出影住佢个片隔离饭盒嘅片，原来佢食食吓沙律，突然有只曱甴钻咗出嚟同佢Say Hi，佢仲话只曱甴好鬼生猛，不过好快就死咗，睇嚟佢都真系唔好彩，新相识嘅朋友咁快就冇咗，嚟紧嘅日子又有排闷喇。