女方全家望到实 胡卓希咀梁靖琪淆底认尴尬
模特儿出身的胡卓希加盟古天乐旗下，更有份参演新剧《家族荣耀》，饰演富二代的他与人妻梁靖琪（Toby）谈情，故事更交代他不惜一切拯救Toby家族，绝对称得上情圣。谈到拍摄过程，他形容胆战心惊：“Toby带埋个仔同老公北上拍剧，而佢爸爸梁家树又系总监制，拍吻戏时真系超尴尬，我有问使唔使征询吓你老公嘅意见。”
由于与黄浩然同经理人公司，他坦言获得对方贴心照顾：“试过有场戏听日要拍，我夜晚趁佢食完饭，问佢可唔可以上嚟酒店房帮我对戏，点知一搞搞咗两个钟，佢完全唔嫌我烦，仲话排完戏成个人醒晒，拍摄期间佢都畀咗好多宝贵嘅意见我。”近日他再与浩然及《家》剧工作人员合作结剧缘：“好彩《家》剧我嘅演出合乎要求，所以今次加重咗戏份，演一个有型嘅杀手，都有动作戏可以一展身手。”
