李龙基夫妇农历年日日“拍拍拍”
李龙基和太太Chris Wong日前与香港开电视主播马梓轩一同拍摄贺年特辑。向来画功了得的Chris，更尽展才华画老虎贺虎年。Chris除了擅长画动物，画人像亦相当出色，不过李龙基坦言曾经质疑太太的画功：“事缘有个朋友帮我画咗一幅大油画，但都系觉得有啲强差人意，于是Chris提议帮我画一幅，但因为当时我未见识过佢嘅画功，所以唔相信佢！后来有一日我放工返嚟，太太拎住幅画问我靓唔靓，我话你影印嘅！后来知道真系佢画，先发现佢咁有艺术天分！”
谈及农历新年，他坦言每日都是“拍拍拍”：“唔系拍乌蝇，系拍戏呀哈哈！（咁咪剩低太太一个？） 唔系，佢好多时跟住我，帮我手整理妆容，都好忙㗎！”除了忙于工作，他都不忘品尝贺年美食：“我最锺意食萝卜糕！记得细个嗰阵我爸爸揸运菜车，好多时会拎啲萝卜返屋企，虽然成日食，但我食极都唔厌！同埋好多人误会食萝卜会破气，但大家见我有冇破气？冇啊，我食好多㗎！”
