声梦大喊包！姚焯菲开Live频失误 内疚爆喊致歉
“声梦小花”姚焯菲出名系喊包，以前玩比赛成日喊，依然喺社交网开Live都经常喊，呢次佢同粉丝直播倾偈，就因为连番失误搞到自责爆喊。一开始佢同粉丝玩“你问我答”，然后拣选几个幸运粉丝打算“同框”，但因为技术问题而未能成事，当时Chantel已经扁晒嘴加眼湿湿，点知及后佢送上惊喜，献唱Gareth.T嘅《劲浪漫超温馨》时，因为唱错Key导致走音，佢即急停重唱，虽然最后都顺利唱咗半首，但最后都忍唔住爆喊，更不停向粉丝道歉：“对唔住大家，我今日失败咗好多次”，不过一班“小菲象”都冇介意，反而齐齐安慰佢叫佢唔好喊。
