崩溃失眠爆喊 张致恒大肚老婆自爆被业主终止合约
艺人张致恒（Steven）与老婆区燕雯（雯雯）早前爆出离婚后极速复合，雯雯更自爆原来依家正第3度怀孕，一家五口又继续幸福生活。未知系咪因为受怀孕期贺尔蒙转变所致，雯雯近日频频放负，自爆今次大肚“没有关心没有问候”，未知所指何人。
今日（1日）佢更加有坏消息宣布，指佢哋一家住紧嘅地方被业主无情终止合约：“日日睇新闻已经够负面，但寻日收到嘅消息，完全令我崩溃成晚瞓唔到觉，一瞓着就弹起身喊！疫情严重到咁，周围病菌，我又好快生，两个仔又咁细，业主先话终止合约，我完全觉得好无助。”本身已经腹大便便嘅佢，收到业主要求终止合约，搞到佢当晚就失眠，佢仲好担心疫情影响自己同小朋友，真系吓到佢个心离一离。
