据香港东网报道：内地女星#吴谨言#凭再度与#许凯#拍档嘅新剧《#尚食#》成功翻身，剧中佢厨艺了得，原来现实中都煮得几味，呢日佢就挑战剧中著名菜式、被网民质疑系暗黑料理嘅榴梿炖鸡，见佢去到超市亲自买料，唔使一阵就买晒所需食材，目标非常清晰，睇得出平时都有下厨经验。之后正式开煮，佢逐一洗净食材，又自己落手落脚斩鸡，有板有眼，唯独佢洗葱时洗到好似洗衫咁，场面搞笑。去到最重要嘅开榴梿部分，佢作势徒手劈开榴梿，事实上系请外援帮手，及后将榴梿加入鸡汤炖煮就完成，成品卖相非常不错，同剧中画面有得挥，而佢亦自夸味道好好，绝对唔系暗黑料理，不过在旁嘅助手就话味道好怪兼偏淡味，激到佢即嬲爆表示：“你们太挑剔了！”但随即助手们又忍唔住偷饮多几啖，真系“口里说不，身体却很诚实”。
据香港东网报道：内地女星…
