40度高烧！戴祖仪无畏无惧超残Look开Live
第5波疫情险峻，TVB“艺员群组”亦陆续扩大，继周家洛、罗乐林、冯盈盈、胡定欣后，正在拍摄节目《学是疫学非》的戴祖仪（Joey）亦“中招”，并且自我隔离中，期间佢都有开Live讲述箇中过程及感受。
Joey无惧“残样”素颜开Live，一脸倦容的她表示：“我一直留喺房间隔离，每日不断煲剧。离开房间嘅时候会戴上口罩，好彩屋企有两个厕所，我同家人分开用，可以减低感染家人嘅风险。头两日发烧发到40度，第3日就慢慢退烧。不过，我觉得最讨厌嘅系喉咙痛，头一两日喉咙好痛、好辛苦，依家仲有少少鼻水。”她亦指已向卫生署申报确诊事宜，但可能卫生署太繁忙，而她亦只能在家自我隔离，故会将资源留给有需要的人。
谈到在家抗疫的情况，佢透露：“我唔知道其他人啱唔啱，但我分享下自己嘅方法，依家我每日都会用盐水洗鼻同漱口，比例系水、盐10：1；同埋都有食药、维他命C，仲有狂饮柠檬水。”
