波波做节目唔怕染疫 林秀怡压力大到想中招
艺人林秀怡与黄婧灵（波波）今日（19日）出席综艺节目《讲你都唔信》拜神仪式，秀怡身穿厚卫衣，波波就以低胸吊带衫示人，俨如活在两个季节。秀怡透露自己是节目主持人之一，另有曾志伟及钱嘉乐坐镇做主持，她笑言：“有佢哋我冇咁大压力，我只系做辅助主持，不过拍住佢哋有啲惊，好大压力，大到我想将个快速测试结果画成2条线，惊到呢个地步。（个节目系咪通知得好仓促？）大概一星期前收到通知，我都有时间准备，节目主要系讲吓啲讲你都唔信嘅事，我都够时间谂古仔。（疫情严重，开工担唔担心？）公司防疫工作做得好好，每日都要做快速测试，我只系拍3日，暂时未收到通知要闭环。”
至于波波就担任节目嘉宾，她称不太担心染疫：“是福不是祸，是祸挡不过，做到晒防疫措施就可以。而且依家拍外景都可以戴外科口罩，好好多。（今次系咪曾志伟钦点你做嘉宾？）唔系，搵我嘅人系撰稿员喎。”问到工作有否因疫情而影响？她坦言原本有剧集预计3月17开拍，但现时要延期。
