公布下月生男B 梁丽翘真空上阵晒肚皮
TVB《东张西望》主持梁丽翘（Nicole）去年宣布怀孕，下月便是预产期，近日她以视像形式跟好友揭开BB性别，又拍了一辑性感照公布佗男B，她身穿蓝色西装真空上阵晒肚皮。Nicole表示：“因为疫情关系，所以就同朋友以视像聚会，切蛋糕公布BB性别，个蛋糕系蓝色即系男仔。其实我本身都唔想知道BB性别，但医生一开始就话畀我听。（你辑相好性感。）我觉得好性感，都遮住晒，感觉系型格，之后影大肚写真仲性感，啲相老公都有过目，佢仲有份拣相，可能佢本身系鬼佬性格，乜都唔觉得性感。”
已有一女的她今胎佗仔，问她是否可以封肚收工？她坦言：“就算今胎系女我都会封肚，其实仔女都冇所谓，系仔当然开心，因为我本身都有个细佬。（囡囡知道有个细佬，心情点？）之前疫情冇咁严重，我去产检都会带埋囡囡一齐去，佢一直知道我个肚入面有BB，知道要保护佢，佢成日都会锡我个肚，叫我食多啲，仲话最爱嘅人系BB。”
