韩国女团浸出泡菜味 庄锭欣回国开工1年被指走样
童星出身、曾参与不少无綫剧集的女星庄锭欣（Elkie），系韩国女团CLC前成员，成功浸出浓浓泡菜味，一睇成个韩国偶像Feel，不过自佢去年同韩国公司解约后，就返咗内地发展，似乎成绩都唔错。
最近佢就密密喺社交网晒出靓相，点知有网民觉得庄锭欣外貌好似有啲唔同，本身面形瘦削嘅佢，新相更见“V煞”，下巴比以前变得更长、更尖，仲话佢同网红撞样。但睇番佢今年播出嘅首个内地综艺节目《两天一夜山屿海》中，庄锭欣面形自然得多，佢仲会素颜上阵，博尽发展新市场，粉丝即帮口表示新相只系滤镜累事，女神依然纯朴够Natural。
