胡鸿钧32岁生日望疫情完结 各行各业恢复正常
歌手胡鸿钧（Hubert）最近转以眼镜Look示人，获网民大赞有新鲜感，原来佢系为韩国品牌眼镜做宣传，而今日（27日）32岁生日嘅佢，日前出席活动时就大谈生日愿望，指同大部分香港人一样希望疫情快啲缓和，祝福大家身体健康，各行各业都能够尽快回复正常。而讲到换形象，佢就笑言对眼镜及太阳眼镜嘅要求好简单，最紧要“颜值”行先，戴得佢够靓仔，佢又提到该太阳眼镜同韩国女团BLACKPINK合作，由成员JENNIE亲自设计，佢就自爆系BLACKPINK粉丝，视佢哋每一位为女神。
