朱千雪素颜运动晒无瑕美肌　伸脷攰…

朱千雪素颜运动晒无瑕美肌　伸脷攰样获赞可爱

前港姐朱千雪近年转做大律师淡出幕前，久未出席公开活动露面，不过佢都未有松懈，依然努力保养，随时准备好以最佳状态示人。

呢日佢喺社交网大晒运动自拍照，见着上长袖运动衫嘅佢，操到满头大汗、满面通红，仲攰到伸晒脷，又笑指唔明点解啲运动网红可以一边做运动一边保持笑容，但自己就痛苦到想喊。虽然佢话好努力抑压住自己痛苦嘅表情，但其实佢伸脷样唔单止可爱，网民仲指佢素颜上阵一样咁靓，皮肤零瑕疵兼白里透红，不愧为“民选港姐冠军”！