他来自江湖︱陈嘉贤爆周星驰好贪靓： 成日问人有冇靓仔咗！
前TVB艺人陈嘉贤1982年同梁朝伟、周星驰、吴镇宇等巨星同期毕业TVB艺员训练班，演过唔少二、三线电视剧配角，当中最为人熟悉嘅角色，莫过于《他来自江湖》嘅银行经理“老姑婆”黄玉华。可惜到咗1993年，佢就宣布息影。不过近日佢就接受网上访问，大爆人生历程。
陈嘉贤自从息影后，就转战保险业，之后生咗一仔一女，可惜囡囡一岁嗰时患上血癌，好彩经历两年化疗后终于好番。其后佢积极参与医院义工活动，又修读神学课程等，仲话好彩有信仰嘅支持，佢先能够渡过无数难关。
而问到以前艺员训练班嘅经历，佢话：“喺我眼中周星驰、梁朝伟好唔定性咁，又锺意玩。周星驰单眼皮嘛，一贴咗双面胶纸就叫人睇佢对眼，成日问人佢有冇靓仔到，真系好搞笑。后来睇佢作品先觉得佢好有才华，但当年只会觉得梁朝伟会成功，冇谂过周星驰得。”佢仲寄语年青人成功唔系得一条路，要把握到机会，唔需要去学人。
