传被雪首现身︱冯盈盈孖辫减龄求复活 送Job畀宋宛颖？
“话题女王”冯盈盈昨日（29日）出席TVB综艺节目《The Show Must Go On》拜神，此乃被指雪藏及染疫后首度现身，一身粉色打扮的她配以孖辫造型，全程扎扎跳，还自夸一身打扮有减龄成分，心情大靓。
问到是否因为被雪藏而需“冻龄”？她说：“我冇听过，都不知传闻喺边度嚟。（话你《逆天奇案2》都被飞？）拍剧都系公司安排，通常唔会咁快Confirm，半年后嘅事。（公司有冇通知你？）通常唔会咁早出通告，其实公司一直安排唔同嘅工作畀我，只系我之前不幸病咗，但依家康复咗！之前都有拍外景节目，只系节目未出街。（冇入新剧组？）都系经理人负责，公司安排，我对所有工作都欢迎。（冇份拍套剧会觉得可惜？）交畀公司决定。”
对于被力数“3宗罪”，其中一项是其助手经常邮集兼小动作多多，因而被公司要求辞退对方，盈盈对此表示：“因为同助手合作关系涉及私隐，佢对于成为新闻焦点都好意外，为保护佢就唔讲太多。（依家有冇请助手？）今日自己返工，唔需要助手。”问到近日是否需要“守行为”才表现很谨慎？她笑说：“我今日系主持，大家都叫我好好表现，所以先有啲紧张啫！（表现好先再有工作？）工作要问番公司。”
对于再被安排与旧爱郑衍峰同场，盈盈指一切听从公司安排，有指当年她曾想公开恋情但不获公司批准，盈盈说：“咁要问番传出嚟嗰个人。（话公司改捧师妹宋宛颖？）佢系可造之材，我哋喺台庆合作过，亦上过佢节目做嘉宾，都几欣赏佢，如果可以再合作会开心。（担心被取代？)工作都系有能者居之。”
谈到她早前确诊新冠肺炎，盈盈透露因打了2针以上，所以只需家居隔离，问到隔离期间可有追求者上门送物资？她笑说：“屋企净系得细佬同狗仔，我都有家人照顾，家人都有人确诊，之前除咗工作都冇四围去，所以都唔知染疫源头喺边。”
