爱情失意事业得意！江嘉敏劲得宠获高层钦点赐教
恢复单身的江嘉敏寄情工作，更获公司安排担任节目《讲你都唔信》“压轴主持”，经验甚少的她坦言紧张，幸而获TVB高层曾励珍亲自授教，明显得宠。
艺人江嘉敏刚刚与拍拖3年的圈外男友Anthony分手，失恋中的她寄情工作，正等待另一套回归剧开拍之时，亦被公司安排她担任目《讲你都唔信》的主持。节目《讲》内容踩界、出位，节目每晚都有一个主题给嘉宾轮流讲故事，给大家估“真假”，嘉宾们爆得好兴奋，好似家燕姐爆50年前登台险失身、郭子豪爆何广沛醉酒男女都揽、波波自爆趴街露粉红底等等。
而江嘉敏向来性格坦率，说到要做此节目主持，她坦言：“做主持同嘉宾感觉好唔同，直头系两回事，准备嘅功课可能比较多，而且好考急才，做演员都有剧本，但主持就几乎冇稿，考临场发挥，所以我都有返去睇吓其他人做，同埋有向珍姐（曾励珍）请教，不过有志伟哥同嘉乐哥睇住，我都冇咁紧张。”
她又指起初都觉得好奇怪为何会找她做主持，“因为几个主持入面，我嘅经验系最少，几乎冇做过咁，好在我同拍档奶仔（方绍聪）合作多次，大家都有默契，佢都有叫我唔好紧张，尽量放松啲。”
说到成为“珍姐新宠”，有对方亲自教导畀贴士时，她又谓：“因为我冇经验，佢都想我做好啲，所以有教吓我啫！珍姐好好㗎，有时佢睇完啲playback都会畀意见我！”说到现时回复单身，珍姐有否叮咛她专心事业时，她谓：“我一向都勤力工作㗎喎！”
虽然节目令观众爆笑又有气氛，不过据知做埋江嘉敏、方绍聪主持的3集后，节目便会煞停，监制陈志球受访时被问到会否“添食”时，他坦言：“其实我都觉得可以继续做落去，等我试吓同老板（曾志伟）倾吓先。（系咪老板冇期做呀？）呢个都系一个原因。”
