15岁就入围百大美女 姚焯菲大个女露腰庆祝
美国电影评论网站TC Candler举办嘅“全球百大帅哥美女”排行榜最近备受关注，依家成为咗香港艺人人气被肯定嘅指标，当中最威威嘅一定系人气男团MIRROR全团12人、组合ERROR全组4人同时入围，相反香港女Artist就寥寥可数。
好消息点会畀佢停，官网喺今日（1日）凌晨宣布现年仅15岁、有“国民初恋”之称嘅姚焯菲（Chantel）成功入围“百大美女”。
人仔细细就入围“百大美女”，唔知Chantel系咪心急想畀大家知佢大个女，见佢寻日（31日）就上载咗多张Snap Shot，当中见佢忽然以露腰装示人，又晒出修甲靓相，平时行开清纯路线嘅佢，忽然嚟个大变身，睇到网友都嗌出嚟，仲留言赞佢够晒健康。
