潜力股点止姜涛？AK袁伟豪齐齐蜕变做型男
今日4月4日儿童节，唔少艺人都不约而同喺社交网大晒儿时旧相应节，咁啱有两位型男公开童年照，发现佢哋都有一个共通点，原来细个都系肥仔底！先有啱啱入围“全球百大型男”嘅MIRROR人气成员Anson Kong（AK），见佢小时候面圆圆、面珠胀卜卜，非常可爱，同依家嘅Cool爆型仔样完全唔同，真系仔大十八变！
另一位同样蜕变成功嘅型男，就系港男出身嘅袁伟豪，出名大只弗到爆嘅佢，细个嗰阵都系肥仔一名，包包面加上圆润身形，令唔少网民见到都话想搣佢面珠，两位型男发文一出，再度证明肥仔真系潜力股！
