“葱头”丘梓谦好怕丑 同刘佩玥辟室偷香劲紧张
凭《爱．回家之开心速递》“葱头”一角而人气急升的丘梓谦，日前接受TVB娱乐新闻台节目《星光路上》专访。童星出身的他演出超过60部TVB剧集，升上中学后曾暂别幕前，2014年报读艺训班重投电视圈，后来于剧集《十二传说》内饰演杀人犯开始备受关注，他亦直认该部作品是其事业转捩点。
谈到扮演“葱头”引起不少回响，有正评亦有负评，丘梓谦说：“我有睇晒所有报道同埋留言，其实都预咗会有人闹同赞，做演员一定会遇到呢样嘢，例如话我笑到咁样衰，咁我就会谂：‘系喎！呢个Shot唔系笑得咁靓。’我就会记住呢样嘢，下次拍嘅时候唔好再犯错。我会觉得呢啲系提点，而唔系负评。做演员被批评系正常嘅，我觉得冇咩所谓。”
丘梓谦去年于台庆剧《换命真相》内，与刘佩玥（Moon）有感情线，他笑言难忘在士多房的亲热戏，当时十分紧张：“个环境又窄，啲摄影师又走晒入去，好多人望住，又要对住镜头同阿Moon，好有压迫感，现场又好静，听到心跳声！”问到比他年长6岁的女友麦皓儿有否呷醋，他说：“我哋相处十分舒服，佢有小朋友、亦有成熟一面，大家会成日沟通，好多嘢佢都会提点我。”
