“贾名媛” 邱芷微与男友共度患难见真情
凭《爱‧回家之开心速递》“贾名媛”一角为人认识的艺人邱芷微（Chelffy）与武打演员男友陈志忠（Wilson）拍拖多年，2年前他们分别患上类风湿关节及胃癌，早前Wilson客串演出ViuTV的《反起跑线联盟》，是他康复后第一部剧，他说：“佢哋邀请我时啱啱做紧化疗，开头做化疗好差，个人好瘦皮肤唔好，仲有好多副作用，经常肚痛肠胃炎，有时作呕作闷，个人好攰，好彩到正式拍摄时，情况已经好好多。”
当时他用了2个月时间操练，逼自己食多少少，因为他饰演体育老师角色，要有强劲臂弯，他说：“好彩我系食口服化疗，冇甩头发，到后适应咗系OK，拍嘅时候都冇乜人知我做紧化疗。”1年的化疗疗程完成晒，将到医院做检查，目前身体状况良好。而Chelffy的类风湿关节亦好转，获医生允许可以减药。
他们2年前开办的演艺学院受疫情影响，承认好大压力：“直头系零生意，虽然有减租，但都系要挨租，加上自己有病冇收入，希望疫情快啲过，如果继续咁落去，真系要执笠。”今年7月租约期满，估计已蚀过百万，他们说：“一系唔做，咁就唔需要再去面对呢件事啰，但我哋唔想放弃，摆咗好多心机落去，一直都做得几好，所以心态都系尽量挨。”
Wilson坦言思想传统，他一直好想将功夫传承落去，Chelffy受到男友影响：“我冇谂过教小朋友，有日佢话不如你教小朋友做戏啦，咁啱我师傅袁富华（Ben）喺《反》剧做校长，我又将自己做戏方法传承咗畀啲小朋友，Ben Sir周围同工作人员讲‘我啲徒孙’，成件事真系好奇妙。”
