黄德斌回巢拍剧圆攞奖梦？唔系你去主宰！
黄德斌与神级监制戚其义再度合作拍摄亚洲心动娱乐网剧《逐流时代》，剧中饰演欲望强烈的城中富商，不断利用身边人无休止获取更多利益。角色挑战性相当大，但德斌直言角色并不是戚其义为他度身订造，但两人的默契亦心照不心暄，一拍即合，他说：“呢类角色自己都好少演，好好玩，好不一样。佢觉得有合适角色就会搵我，大家互相信任，佢又知我做到，我又知道点样做，同佢合作每次经历都好难忘，其实佢啲嘢唔系咁简单，佢嘅剧系复杂嘅。”
当年他与戚其义的《天与地》被封为神剧，新剧可能挑战﹖他笑说：“要睇缘分，从来冇谂个要制作咩神剧，人哋封你先系神剧。”德斌又大赞首次做“女一”的拍档麦明诗是聪明的女仔，样靓身材又好，用公馀时间拍剧更相当难得。讲到拍摄亲热戏可会尴尬﹖他说：“我就冇乜点谂，令到对方信任，有信任感觉就唔会猜忌其他嘢，合情合理就得。”
德斌去年的ViuTV剧集《大叔的爱》令他人气爆灯，在TVB拍剧多年的他被问到可希望回巢拍剧攞奖圆梦﹖他说：“TVB都有搵个我，但系撞咗期。攞唔攞奖要睇缘分，你话想攞就攞咩，唔系你去主宰，谂咁多做咩，做好佢先讲啦。谂吓点样可以做到角色活生生，好过去谂攞奖。”
