声梦传奇2｜金永衡年纪最大却遭曾志伟嘲唔成熟：私底下唔係咁
无线（TVB）歌唱比赛《声梦传奇2》昨日（28/4）举行记招，宣布比赛将在6月11日举行，并安排23位参赛者先与传媒见面。年纪最大的是29岁的金永衡（Kim），这位中韩混血儿反而因曾志伟在台上的举动，成为全场焦点之一。
Kim今次抱著一试无妨的心态参赛，得到参加决赛的机会后开始奋力增值自己。问到中韩混血儿的背景会否成为优势，Kim坦言：「我谂呢个唔係一个好好嘅卖点，我屋企人都係用广东话讲嘢，所以我係唔识韩文。我希望大家记得我係混血儿之馀，大家都会更加记得我唱歌嗰面。」他承认年龄最初会成为自己的压力来源：「一开头会觉得，如果我输咗畀个13岁嘅，谂到呢度就会好惊，但係之后睇到比赛就会知道，依家13、14岁嘅都好犀利，反而想令自己练得更加好。」
不过在记招上，Kim却被TVB总经理（节目内容营运）曾志伟笑说：「最成熟嘅谂唔到係啱啱出嚟嘅组合（XiX），个个都係13、14、15岁；最唔成熟嘅谂唔到係29岁嘅呢位，怕羞到不得了。」Kim直言下次会做得更好：「希望下次唔好畀佢见到我咁样啦。（平时都係咁？）私底下唔係咁嘅，但係可能上台真係会紧张。其实之前都有好多训练，令我哋上台唔好咁紧张，但係出到嚟有啲唔同，我仲未驾驭到，希望可以快啲适应到。」
