汤洛雯低胸梳化激战黄子恒 唔敢同马国明解释！
myTV SUPER踏入6周年，推出以玩弄财技、创富为题材的原创剧《OPM》，今日（29日）举行记者会，司仪蔡康年指剧集于myTV SUPER播出，所以艺员对白会足本播放，所以会有粗口内容。一众剧中演员包括：黄庭锋、汤洛雯（阿汤）、姚宏远、蒋志光及张宝儿等现身电视城为剧集宣传。
首次担任男一的黄庭锋被问到感受时説：“都有压力，因为接咗剧本半个月时间就要投入角色，同阿汤有好多情感好深嘅场口。”身旁汤洛雯则坦言最难是剧中运用大量金融名词：“自己完全唔识经济、股票，但佢（庭锋）就由零开始教到我明，讲到好似教科书咁，好有信心同説服力，同埋佢好犀利记好多对白。”
问到庭锋是否财经高手，他笑言：“真系唔识，监制Casting嗰阵就系想搵个完全唔识嘅，好彩我真系唔识啫，哈哈！拍完10集好似上咗个经济课咁。”
饰演母亲的汤洛雯，于剧中因大学时期年少无知导致怀孕及被迫结婚，婚后却因丈夫冷待她，令她决心要重返社会追回错过的一切：“剧入面大部份都系讲我出返嚟识到呢班人之后嘅事情，做妈咪情节唔多比较舒服，反而后尾要着得比较性感，又要低胸，唔似我嘅嘢，有一场同黄子恒有场好激情喺梳化嘅，我唔敢睇呀，哈哈。（惊男友马国明嬲？）我自己都唔知系点，点解释畀佢听，哈哈！通常拍呢啲都会同佢讲，大家都唔系好介意嘅，佢都知道我尺度，着低胸少少都惊走光，但剧情要晒事业线，所以要拣啲好低胸嘅衫，拍完烧晒啲衫。（自己烧定畀人烧呀？）自己烧，哈哈！”
全套10集《OPM》已于今日中午12时于myTV SUPER的myTV Gold专区上架，海外观众亦可于TVB Anywhere Original专区收看。
