江嘉敏低胸战斗格袭马场 翻风唔怕冻亲咪咪
TVB小花江嘉敏（Kaman）今日（1日）以蓝色西装外套衬黑色Deep V紧身背心，一身火辣战斗格现身沙田马场，力撑朋友爱驹出赛，成为全场焦点！最后佢朋友只爱驹“大红袍”成功跑第一，真系坚旺呀！
东网联络上Kaman，佢话：“咁都见到我！我只脚未好番呀，呢几日医生放假，所以冇得覆诊。我都好耐冇嚟喇，以前都有间中有同啲朋友入嚟食饭聚吓，感受吓气氛。本身都谂住放飞机，哈哈⋯⋯因为我今朝6点先放工。但系啲朋友好耐冇见喇，所以佢哋都好想我出嚟一齐倾吓偈！”问到点解今日天气转凉都着到咁性感现身？佢竟然话：“边有呀，夏天嚟喇着背心咋！”
