陈滢带狗狗玩下水礼 不忘大晒长腿派福利
宅男女神陈滢虽然工作忙碌，但亦会忙里偷闲享受短暂嘅小假期，喺工作同生活中取得平衡，近日佢就孖住友人出游，连日来上山兼下海，仲带埋狗仔同行，相当写意。佢喺社交网大晒一系列放假靓相，见佢除咗同爱犬上山欣赏美景外，又划艇带狗狗出海，期间仲抱住狗狗玩水，之后仲不忘骚出靓靓水着Look，以一件头泳衣上阵，大晒白滑长腿，加埋佢个单眼甜笑，真系冧死一班粉丝，佢仲以意大利文留言：“dolce far niente”，意思即系“舒展心灵，欢庆无所事事”，快乐地享受慢活，亦系意大利人嘅生活态度。
