陈山聪化身吃播KOL 为Keep Fit冇啖好食
艺人陈山聪今日（5日）于大埔超级城出席活动，期间获市民大赞“靓仔”，令他不禁笑着连声多谢。他表示今次亦会化身“吃播KOL”介绍商场美食，他聪为了拍以PTU为题材的无綫新剧，已Keep Fit接近个多月，今日问准教练可以来一天大解放，相当Happy。
谈到Keep Fit进度，他指磅数没有好明显改变，但体脂减少了许多，成个人都紥实了，不过，收身当然要付出代价，他直言近月“冇啖好食”，他说：“只能食啲白烚鸡胸、鱼，蒸鱼都唔能够落豉油，我个仔嘅伙食都好过我，不过，我囝囝嘅秘书（菲籍佣人）好好，真系要赞一赞，佢见我食得咁清淡，特登整啲免治焗鸡肉蔬菜饼畀我，等我多啲选择，个仔见到我食饭，都会过嚟想一齐食，既然冇油冇盐，我都畀少少佢食，分享一下。”
他透露现正与唐诗咏赶拍《回归》、《曙光》剧集，适逢日前女方生日，他特别请诗咏食大虾沙律，庆祝一番之馀，收身餐亦可悭住荷包。
