邵珮诗甜晒妈咪合照 网民惊呼：好似刘小慧！
艺人邵珮诗（Veronica）一向样靓身材正，寻日（8日）系母亲节，她就好乖女咁带妈咪去餐厅食好西，仲同二人嘅靓靓合照。从相中可见， Veronica妈咪睇落超后生，唔讲以为佢哋系两姊妺嚟，就连网友都大赞 Veronica妈咪系“冻龄妈妈”，仲话佢同苏志威老婆刘小慧好似样。
之后Veronica喺贴文写到：“无得倾，无得约人，今日妈咪大过天，食马拉Food好，去边度食High tea好，今日妈咪想做咩，妳话事啦，祝各位伟大的妈妈母亲节快乐。”而一班网友大赞Veronica靓女又孝顺，仲话佢完美遗传妈咪优良基因呀！
