高调入Now讲波 余德丞孖保锜强尼畀女围
小生余德丞刚离开合作8年嘅TVB，第二日佢就已经转战电台，为郑裕玲主持嘅节目《口水多过浪花》担任客席主持，估唔到佢啲Job已经滚滚来，最近亦亮相Now Sports节目《Football Party Room》，同场仲有“ViuTV一哥”强尼、ERROR成员保锜及专家KOL Dickson等，自由身多采多姿。
见余德丞拍片影低自己去“对家”作客席嘅全过程，佢由收到Now Sports邀请到当日拍摄，见佢同艺人们打成一片，仲有多位靓女陪伴在侧，拍得几咁开心，佢留言：“真系未试过咁Care Free去睇一场波，可惜第一次已经系大结局，咁啱欧联又冇 Party Room，希望下季有机会再玩过。再一次衷心感谢每一次拍档主持，充分感受到你哋嘅火花。”
不过眼利网友就留意到，影片最后余德丞去到自家跑马地豪宅楼下拍片，即令佢同父母同住嘅跑马地嘉园二千万豪宅环境曝光，仲系同天王郭富城做邻居。片中佢就大意抗抒发“返新工”嘅感受：“终于收工返到屋企，我估唔到大家咁爱锡我，畀咁多机会同包容我，每一个人都对我好体贴，好好。多谢佢哋令我第一次冇尴尬同舒服，多谢你哋。”
