曾江女儿︱曾慕雪最想同爸爸讲…

曾江女儿︱曾慕雪最想同爸爸讲:我哋会好好前行

曾江女儿曾慕雪接受车淑梅访问细诉其亡父的生活点滴,她表示自己依然未能接受爸爸离世的事实,因有好多事需要处理,所以会以稳定的情绪去面对。至于其哥哥,因为长居加拿大,加上疫情措施非常复杂,所以不会回港。她最想跟爸爸讲的说话是“爹哋我哋OK!我哋会好好前行,所以爹哋你都可以Move on!”

她再说:“爹哋呢一生好圆满,做到好多事情令大家都会记住佢,外界畀到好多爱同祝福我哋一家人,心好暖。爹哋好叻,好似依然照顾住我地咁。焦姣Auntie 系一个坚强嘅人,不过所有正常嘅感情都会唔舍得,一时OK,一时想起又会好挂住。”

她又指父亲曾江是个好开心、随心的人:“冇几耐前,佢同我讲佢呢一生真系好爽!呢几个月真系好闷,好想行开吓。(有没有劝他不要去?)我爹哋决定咗好难说服佢,我支持佢嘅方法就系令事情安排顺利啲。我好尊重佢,因为无人知道下一步会发生咩事,所以唔可以调番转头指有乜嘢出错……大家都见佢喺新加坡、马来西亚食得玩得几咁开心,相信呢啲就系佢最想要嘅。”

被问到爸爸生前可有提及生死,她说:“有,佢有讲过。佢一路都话,简单啲,唔好搞咁多嘢!佢细个嘅时候系天主教,但唔系十分虔诚嗰种。丧礼用咩形式仲未决定,有啲手续仍然处理紧,会低调,未必咁公开,暂时未有具体资料可以分享。”如果要送一件物品留在爸爸身边,她表示会选择画纸和画笔,因为爸爸喜欢画画,而且画得很好。

活到老学到老
她忆述小时候跟曾江到片场感觉沉闷,演员工作对她来说并不吸引:“佢嗰阵做《势不低头》嘅陆国荣角色,出街真系畀人闹,好搞笑,原来啲人真系分唔到系做戏。爹哋好自我,锺意有自己空间,会喺街上对人唔瞅唔睬,黑面唔理人。其实佢好低调,特别系同焦姣Auntie一齐之后就更加低调。我锺意讲古仔,拣咗舞台剧,好幸运父母都支持我。入咗演艺学院之后,我成日同爹哋讲戏。佢识好多古今中外嘅戏,好有研究。佢真系活到老学到老,对人生好有Passion。佢又锺意画画、饰物、衬衫、靓嘅嘢,人生所有嘅事都系佢点点滴滴嘅艺术!”

收拾心情继续向前行
她指父亲给她很大的力量,她要告诉自己现阶段不应该留于好伤感,或甚么也不做的状态,因为这并非曾江想看到:“如果系佢,佢会收拾心情继续向前行,享受每一刻!”她又说:“我好幸运曾江系我爸爸,佢对辉Uncle(继父阮兆辉)应该冇呷醋。我相信佢知道一个冇血缘嘅人系几咁锡我,佢会好安乐。妈咪(邓拱璧)都好好,我哋全家人继续专心工作,因为世界要继续向前。大家都有好多同爹哋嘅回忆,令我哋永远挂住佢。”

Leave a Reply

Your email address will not be published.