郭子豪继续开拓网上平台：都有时间陪女友
艺人郭子豪去年与何广沛及方绍聪(奶仔)开设网上平台，期间制作了不少片段，日前子豪出席宣传活动时，透露有意继续开拓网上平台市场，曾于英国修读机械工程的他，亦望能够学以致用。
他接受东网访问时表示：“好想加强接工作嘅流程，依家好多细节嘢都判咗畀外面做（你想一条龙做晒？）又唔系，本身我冇读过点做广告平台，所以某啲部分都要搵专业人士处理，但谂紧点样先可以将个流程缩短1/3制作时间，好在呢排未有剧开，可以先集中做平台嘅工作先。”
忙于为事业打拼的他，问到是否没有时间陪女友邓卓殷？子豪笑咪咪说：“都有时间嘅，佢之前毕业后都有Keep住拍片，依家好多艺人都做紧（有冇谂住同女友合体喺你个自家平台出现？）佢都曾经客串过个平台节目，其实我冇咩所谓，访谈形式都可以嘅。”
谈到早前于节目中谈及妈咪时即忍唔住流下男儿泪，子豪不讳言每次触及家人话题都很眼浅，身边友人也取笑他铁汉柔情，曾经历事业受创日子的他，被问到现时已事过境迁，爱情事业亦两得意，父母是否很放心？他说：“屋企人都系睇结果，佢哋见我四肢仲健全，识照顾自己同独立都开心（咁有冇照顾父母先？）都有嘅。”
