曾志伟有意竞投今届世界盃转播权：不过就算投到都係蚀钱
曾志伟今晚（14/5）现身电视城出席无綫直播球赛节目《英格兰足总盃决赛2021/2022车路士对利物利物浦》球迷派对。被问到会否竞投今届世界盃转播权？曾志伟表示：「我哋梗係希望可以，因为我都唔知投标投唔投到，因为今年都係好难得，係好啱我哋嘅时间去睇。过往好似喺美国或巴西等地播嘅时候，朝早8点时间边个会睇，就算喺欧洲我哋都要捱到凌晨4点先睇，我哋真係好辛苦。但今年就唔同，晚7点就开始有得睇，真係正到不得了。」
被问及会否高价竞投？曾志伟苦笑：「唔知呀！都好难讲。哈哈！都唔知点为之係多多钱。不过就算真係投到点都係蚀钱，只係希望蚀少少咁啫，能够喺一个免费嘅平台，让我哋香港嘅观众欣赏我哋就最开心。」
