张曦雯32岁生日狂收蛋糕 男友亲自下厨低调放闪
女神张曦雯（Kelly）日前（11日）32岁生日，昨日（15日）佢就喺社交网晒出一连串庆生靓相，人缘甚好嘅佢生日蛋糕食唔停，仲收到一大扎鲜花，虽然相中未见其美日混血儿男朋友Mark Brunjes出镜，但其中一张相，系一份Pancake加煎蛋嘅早餐，相信系男友亲自炮制嘅爱心早餐，低调放闪。
至于礼物方面都好有心思，其中一份系画有佢嘅卡通图画，就连两只宠物都有“现身”，画中佢抱住猫猫食雪糕，爱犬就戴上生日帽坐喺侧边作伴，非常温馨，Kelly一定好锺意呢份生日礼物。
