惨受木虱困扰一个月！朱智贤美腿遭殃伤疤多达40处
TVB咪神朱智贤突然喺社交网晒出美腿“破相”照，见一对招牌长腿满布多处红点，由小腿延伸至脚掌位置，原来系受家中木虱困扰足足一个月，佢透露：“在家里怀疑发现木虱嘅踪影，木虱呢两个字听就听得多，原来当佢出现喺你屋企嘅时候，系真系好可怕！整整一个月时间受到困扰，咬咗嘅皮肤会又痕又痛起水泡，而被咬嘅次数系每日增加。”又指因每日都会痕醒，故已有两星期失眼，而脚上嘅红点更多达40粒。
及后，其家中虽然经过两次灭虫，但佢始终仍有阴影，坦言自己有“创伤后遗症”，夜晚仲发噩梦导致吓醒，现时正努力彻底进行家居清洁，所有衣物、柜、厨房用具都要清洗，并指希望脚上疤痕早日退散。
