陈柏宇唔受压 入红馆唱歌最淆底
歌手陈柏宇（Jason）早前为新歌《坠落》宣传，指歌曲与早前演唱会《Fight For》有直接关系，他说：“新专辑入面嘅歌系以一个故事形式去铺排，《坠落》系其中一个章节，所以之后会有其他歌去包番个故事。”
他表示稍后将会拍摄MV：“以动感为主，会跑嚟跑去，会请特技演员拍，我用第3身去描述件事。”
谈到疫情会否影响宣传工作，Jason表示将会重返街头Busking：“会做番啲有观众嘅演出。（好过隔住萤幕唱？）其实我锺意隔住萤幕唱，因为唔使同观众有眼神交流，少啲压力，望住观众会唔自在同好紧张，尤其是大场面。（红馆咪好紧张？）系呀，唱几首先会入局冇咁紧张，但平时表演只会畀你唱一两首，系最紧张，最深刻系第一次参加歌唱比赛，我长期都系望住地下一格砖，目光由脚开始慢慢避到上头顶，讲嘢我又唔会喎，系唱歌先会咁，可能自己对唱歌要求高，成日觉得自己做错嘢。”
疫情虽不太影响宣传，但就影响女儿上学，令他少了时间做音乐，他说：“好期待个女返学呀，我好爱我个女㗎，哈哈！但长时间要搵嘢同佢做都唔系易，佢长期捉住我同佢玩，唔同佢玩我会过意唔去，但又好难安排时间做嘢。”
